საქართველოს ფეხბურთის ფედერაციაში მატჩების მომსახურე სტიუარდებისთვის სემინარი ჩატარდა. ქართული ფეხბურთის მმართველი ორგანოს უსაფრთხოების სამსახურის წარმომადგენლებმა სტიუარდების ახალ ჯგუფს საორგანიზაციო საკითხებთან დაკავშირებით სრული ინფორმაცია მიაწოდეს. სემინარი მოიცავდა სტიუარდებისთვის ფუნქცია-მოვალეობების, მატჩის უსაფრთხოების გეგმის და სტადიონზე ქცევის წესების გაცნობას.
სემინარს საქართველოს ფეხბურთის ფედერაციის პრეზინდეტი დაესწრო. ლევან კობიაშვილმა 70-მდე მომავალ სტიუარდს სიტყვით მიმართა და მადლობა გადაუხადა თანამშრომლობისთვის. სტიუარდების სისტემა საქართველოში 2015 წლიდან ფუნქციონირებს და მათი რაოდეონობა ყოველწლიურად იზრდება. სტიუარდების ახალ ჯგუფი 29 მარტს დაგეგმილ საქართველოსა და ყაზახეთის მატჩს მოემსახურება.
სფფ-ის პრესსამსახური