დღეს, ჩემპიონთა ლიგის მესამე საკვალიფიკაციო ეტაპის პირველი შეხვედრები გაიმართება. ”მაქსიმირზე”, ადგილობრივი ”დინამო” თბილისის ”დინამოს” უმასპინძლებს.
საქართველოს მოქმედმა ჩემპიონებმა ”მაქსიმირზე” წინასამატჩო ვარჯიში გამართეს. მანამდე კი სტადიონის საპრესკონფერენციო დარბაზში ”დინამოს” ხორვატმა მცველმა – მატია შპიჩიჩმა ჟურნალისტების კითხვებს უპასუხა.
”ზაგრების ”დინამო” ფავორიტია, თუმცა ეს ჯერჯერობით მხოლოდ ფურცელზეა. ყველაფერი დღევანდელ შეხვედრაში გამოჩნდება. ჩვენ გვექნება შანსები, რომლებიც აუცილებლად უნდა გამოვიყენოთ. თბილისის ”დინამო” საქართველოში დიდი ტრადიციის და ისტორიის მქონე კლუბია,” – თქვა შპიჩიჩმა.