18 ოქტომბერს პოლონეთის ჩემპიონატის მე-16 ტურის შეხვედრები გაიმართა.
ერთ-ერთ მატჩში ბელოსტოკის “იაგელონიამ” ვარშავის “ლეგია” მიიღო. შეგახსენებთ, რომ ამ უკანასკნელში გამოდის ქართველი ფეხბურთელი, ვაკო ყაზაიშვილი.
დაპირისპირება მთლიანად ვარშაველთა უპირატესობით წარიმართა და, ანგარიშით, 1-4 დასრულდა.
საგულსიხმოა, რომ ვაკომ სასტარტო შემადგენლობიდან დაიწყო თამაში. იგი 65-ე წუთზე კუხარჩიკმა შეცვალა.
ამ გამარჯვების შემდეგ “ლეგია” 25 ქულით მესამე ადგილზეა.